ԱՄՓՈՓՈՒՄ
Թեմայի արդիականությունը պայմանավորված է նրանով, որ Խոջալուի իրադարձությունների կեղծումը շարունակվում է մինչ օրս եւ իրականացվում է Ադրբեջանում պետական մակարդակով։
Հոդվածի նպատակը — առաջ քաշել եւ հիմնավորել այն մոտեցումը, ըստ որի դպրոցական դասագրքերն ու ադրբեջանցի գիտնականների «գիտական աշխատությունները» 1992 թվականի Խոջալուի (Աղդամի) իրադարձությունների շուրջ քարոզչական թեզերի եւ առասպելների ստեղծման ու տարածման հիմնական
հարթակներից են:
Հեղինակների խնդիրը — Խոջալուի (Աղդամի) իրադարձությունների նկարագրության կեղծիքների բացահայտում դպրոցական եւ գիտական գրականության մեջ: Այդ նպատակով քննարկվել են հետեւյալ հարցերը.
- Խոջալուի իրադարձությունների խեղաթյուրում պատմության դասագրքերում
- Դպրոցական դասագրքեր, որպես մանիպուլյացիայի գործիք
- Զոհերի թիվի կեղծման պետական քաղաքականությունը
- Խոջալուի դեպքերի քննարկում ադրբեջանցի հեղինակների աշխատություն-
ներում - Ադրբեջանի հակահայկական քարոզչությանը հակազդելու մեխանիզմներ
Հետազոտության իրականացման համար մենք օգտագործել ենք ինչպես փաստերի մշտադիտարկման եւ հավաքման մեթոդները, այնպես էլ տեղեկատվության մշակման եւ վերլուծության մեթոդները։
Հետազոտության արդյունքում հանգել ենք այն եզրակացության, որ ադրբեջանական դպրոցական դասագրքերը հանդիսանում են հակահայկական քաղաքականության հիմնական գործիքներից մեկը։ Հովիկ Ավանեսով, Անժելա Էլիբեգովա